首次擔正電影女主角的謝安琪（Kay），問到會否邀請與她鬧緋聞的陳奕迅（Eason）睇戲？Kay不避嫌稱會邀對方睇戲，不過就直言近期很少撞到Eason，很久不見。
近期與Eason鬧緋聞的Kay，前晚與邵美琪、方皓玟及陳家樂等出席新片《死神傻了》煞科宴。她直言會邀Eason睇戲：「會請Eason，都會叫公司同事支持，最近都好少撞到Eason，反而其他同事好似Mr.咁知我拍戲辛苦，都有傳短訊安慰我。」
對票房冇壓力
Kay第一次擔正女主角拍電影，問到會否對票房感到很大壓力時，她說：「唔怕，都冇諗過，有信心嘅。我好鍾意導演邱禮濤，做咩角色都唔重要，最緊要有火花。」她又稱今次拍戲最開心是識到許志安，發現對方非常搞笑：「試過導演仲叫我同鄭融出盡力咁打，搞到許志安拍到半夜畀我哋打到面都青。」近期Kay接拍不少廣告，她笑着承認，問她是否賺過百萬？她只說：「合理酬金，開心價。」
周秀娜學日文
另外，同場的周秀娜透露早前在日本行騷順道洽談工作，希望作多方面嘗試，並稱會積極學好日文，但不會主力在日本發展。記者笑指周秀娜若在外地發展，會與男友分隔異地？她即謂：「冇諗過呢啲嘢，佢都有兩個攬枕啦！」提到「宿敵」Angelababy有意在日本出唱片，周秀娜則稱，若當歌手會先試香港市場。
文：影視組