模擬診所

據網上資料顯示，位於品川區五反田嘅車站附近，該處有逾二百間大大小小嘅風俗店，提供各式各樣嘅成人玩意，好似色情網吧、K場、咖啡室等，當中大部分都提供「出張」服務，即係客人打電話或上網落單，然後到指定時鐘酒店進行交易，呢種玩法實在十年如一日，似乎普通咗啲，之不過亦有少部分嘅風俗店，玩法相當特別，當中較為騎呢係一間叫「青山美療」嘅風俗店，睇見「青山」呢兩個字，千祈咪以為喺裏面工作嘅風俗孃都係有問題嗰種，只係取名自該地段名稱而已。

雖然店名有啲奇怪，但據講呢度所提供嘅玩法就相當受歡迎，事關佢哋早排推出咗一個全新嘅角色扮演玩法，玩家可以自行選擇扮演大夫或病人，為咗令大家玩得更投入，店舖更改裝成一間模擬診所，更於店內擺放咗病床、醫護用品作為裝飾，務求令大家感受到一種另類感覺。

乘機抽水

進入店內，接待處嘅工作人員就會要求客人先作登記，並遞上一份表格，畀玩家填上心水玩法，以及有冇需要加時等，收費一目了然。之後大家仲要填寫一項健康狀況，如以往健康上出現問題嘅話，就要出示由醫院或診所發出嘅健康證明，證明自己家吓冇病痛，工作人員先會畀你入房。

搞掂晒啲手續，玩家就可以選擇扮演乜嘢角色，如果選擇扮演大夫嘅話，工作人員會先叫你着上一件白袍，拎埋聽筒，扮到似模似樣咁款，冇幾耐風俗娘入房，就可以即時開波玩角色扮演遊戲。呢度嘅風俗娘多數係二十幾歲嘅女仔，而且打扮得鬼咁純情，例如長直髮Look，配以一身小背心加短裙仔服飾，仲有充滿野性味道嘅涉谷妹等等。既然係扮大夫，囡囡就梗係扮病人啦！首先「病人」會坐喺度，掀起上衣，讓你檢查心跳，跟住讓你作全身檢查，客人乘機抽水都絕無問題，期間啲女仔仲會叫你檢查身上各個敏感部位，充滿挑逗性。

減壓最佳

扮大夫玩檢查身體，聽落幾過癮，但據講原來扮病人角色嘅玩家人數亦不惶多讓，同樣深受歡迎，有工作人員表示，唔少打工仔嚟呢度玩嗰陣，都鍾意扮演病人角色，事關佢哋無論身處公司定屋企，都需要承受極大壓力，能夠有一位年輕貌美嘅護理員服侍自己，加上一洩過後，身心皆得到滿足，所以對佢哋嚟講，呢度確實係一個理想減壓之地。

至於玩法就更為簡單，只需換過衣服，再瞓喺病床就可以，之後扮演護理員嘅索女就會主動去為「病人」服務，不但悉心照顧，仲會手口並用，幫你滋潤身上每個敏感地帶。此外，玩家喺享受服務嗰陣，亦可以乘機抽水，盡過手癮。不過，玩家只可以享受口舌服務，想作深入了解嘅話，就需要自己帶索女到時鐘酒店喇！

撰文：娟娟