郭晉安、郭羨妮、陳美詩、郭政鴻及胡定欣昨日現身九龍灣展貿，出席無綫劇《古靈精探Ｂ》活動，安仔自爆與太太歐倩怡到北海道旅行並「激戰五百回」。安仔眉飛色舞說：「同老婆二人世界，四日三夜激戰五百回，（造人？）冇！有樣嘢叫避孕套！我哋plan咗兩年後至再生。呢次好有初戀feel，當年同老婆喺凍冰冰韓國開始，北海道又係冰天雪地，兩公婆後生晒，唔只感情回春，咩都回春！」
郭羨妮則慨嘆：「我步向老姑婆行列喇！我依家冇拍拖，拍拖好煩，我寄情工作。」而陳美詩被問有否上緋聞男友孫耀威屋企探病，她說：「冇，我哋每星期有集體聚會，嗰時問候佢，佢心情OK。」
