關心妍（Jade）舉行音樂布道會為正生書院籌款，獲邀擔任嘉賓的楊千嬅卻臨時「縮沙」，Jade即在台上兩度大讚梁詠琪（GiGi）夠義氣有愛心。
由Jade發起的《Shining as Star「妍」亮生命音樂佈道會》前晚假伊館舉行，捧場藝人包括久未露面的黎瑞恩、孫耀威及正生書院一班學生和校長陳兆焯等，Jade的母親和未婚夫楊長智（Jonas）亦有捧場，但Jonas卻全晚躲在後台沒現身。是晚音樂會目的為正生書院籌款，惜早前正生受到ICAC調查，因而盛傳應邀演出的楊千嬅及GiGi有意甩底，至前晚音樂會開鑼，GiGi如期擔任表演嘉賓，而千嬅則辭演。
自爆失戀想死
音樂會開始，Jade在台上與觀眾分享信奉上帝的心路歷程，並自爆早年因失戀一度想以安眠藥自殺，期間她突然煞有介事表示：「好多人都話喺娛樂圈好難識朋友，但其實呢行都有啲係有愛心同有義氣嘅歌手！」GiGi隨即由台邊現身，Jade甫見GiGi再次表示：「GiGi就係一個好有義氣同愛心嘅歌手！」GiGi除了表示被Jade的分享所感動，更表示：「其實我都冇做啲咩！」
綵排保良撞期
不過Jade事後否認暗寸千嬅，她說：「唔係，千嬅都有打電話同我打氣，佢話佢要做保良綵排撞咗啲期，我都係藝人，明白真係好難改檔期，而佢原本喺星期六下午做嘉賓，最後就由Deep（吳浩康）頂上！」而GiGi被問到Jade暗寸千嬅一事，她則說：「佢嚟同唔嚟都應該有佢嘅原因！」至於千嬅經理人管小姐則表示沒回應。
另外，Jade透露是次四場籌款音樂會的善款數字不超過十萬元，她計劃將這筆款項直接用到正生書院的108位學生身上，她說：「啲錢會由我同林以諾牧師管理，我哋可能會帶佢哋去主題公園或者食自助餐！」
文：音樂組