劉浩龍前晚出席運動品牌派對時，被記者直接問有關好友徐濠縈與陳奕迅婚變傳聞時，他無奈地表示傳聞只是笑話一則：「都無證無據！我唔想影響到小朋友，真係好無聊！（你意思係咪話小朋友唔開心？）我都好錫包包（即徐濠縈女兒陳康堤），我唔知佢開唔開心，佢依家返學，唔想佢受影響。我都做過學生哥，怕佢畀同學仔話！我哋娛樂人受晒就夠，佢只係個小朋友。」他還力撐二人的婚姻沒問題：「早前我生日，佢哋一家三口都有同我慶祝，你哋放過小朋友，我只想佢有健康成長機會，佢係一個好得人鍾意嘅BB！」