本文重點
張家輝早前為王晶新戲到旺角行人專用區拍外景，吸引近百途人圍觀，場面墟冚。現場只見家輝被兩名飾演爛仔的新人大聲喝罵，但他卻不敢反駁半句，全程頭耷耷。
今年憑英皇電影《証人》三登影帝寶座的張家輝，早前與新人梁進龍及一名男演員，到旺角鬧市拍攝由王晶執導新戲《旺角監獄》。三人在現場的行人專用區拍攝，引來途人圍觀，期間有不少市民取出相機拍照，令拍攝進度受阻。
莫小奇扮鳳姐
劇情講剛剛放監的家輝，下巴黐了束羊咩鬚，被兩位飾演爛仔的新人當街大聲呼喝，而家輝亦表現得十分閃縮，不敢向二人反駁半句，全程頭耷耷。而有份參與該劇演出的莫小奇，當日就以一身鳳姐打扮，穿上魚網絲襪，拖實紮住兩條辮子、村姑look的孟瑤，在附近一條後巷狂奔。
此外，家輝昨日以主禮嘉賓身份，出席海洋公園的「海洋列車啟航禮」儀式，他又表示：「以前唔想個女樣貌曝光，見到有記者影相都會幫女兒遮面，搞到女兒唔鍾意影相，全都歸咎自己，希望她大個唔會咁啦！」
文、攝：追蹤組