JM昨日出席Bossini ×金寶湯服飾系列活動，與被喻為「小模Art」的小朋友一齊出場，她更即場餵少爺占飲湯。對Angelababy、周秀娜與諸葛梓岐三人進軍日本行騷，會否加把勁？JM說：「每間公司都有唔同處理手法，唔應該比較，我只會同以前嘅我比較，每個人發展方向唔一樣。（想唔想去日本發展？）我嘅工作唔會只係專注日本，我啱啱出番嚟做嘢兩個月，畀咁多壓力自己會好辛苦。」

Janice Man餵少爺占飲湯。

Janice Man向途人派湯。

隱形男友冇投訴

喜歡煮嘢食的JM自言是入得廚房出得廳堂的人：「女仔識煮嘢食好啲。」但就避談有冇煮畀男友食。問她是否公司要求少談感情事？她說：「我一向冇特別刻意講感情事。（男友有冇投訴做隱形男友？）我唔識答，不過我哋不嬲都溝通好好，總之自己盡量避開去人多地方。」JM又說不是公司畀壓力，是自己畀自己壓力：「事業剛開始另一階段，所有事都重新開始，要慢慢適應，包括感情事。」

文：名人組