劉德華和朱麗倩結婚消息曝光後，觸發其舊愛喻可欣再度成為新聞人物，近日喻可欣將兩人拍拖時的「史前」公仔和心形枕放網上拍賣，又惹來不少爭論。

非華仔粉絲

前晚陳加玲出席派對，事前對公關表示有嘢講，成功引起傳媒注意，當記者向她詢問有甚麼事要發表時，她反而面帶錯愕說：「點解你哋知我有嘢講嘅？」然後表示近日感到作嘔，兼反胃，從而帶出令她感到「作嘔」的新聞來，認真高招，她說：「其實我嘔嘅原因，係成個月睇到華仔嘅前女友，叫乜名？係呀叫喻可欣，做女人做到咁好慘，丟晒女人架，由上世紀鬧到今個世紀，我最頂唔順佢上網拍賣信物，唔鍾意咪畀工人囉，好想叫佢反省，唔明一個靚女做啲傷害人嘅嘢，二十幾年都傷害一個男人，想知佢知唔知乜嘢係愛。」一輪連珠炮發後，以為她一定是華仔fans，但她卻否認其事，反過來表示以前曾經很喜歡喻可欣，更讚她曾經靚到驚為天人。

講完好興奮

發表完偉論後，加玲的心情異常興奮，由於冇戴bra關係，致全晚凸點，即惹來場內一名外籍男士垂青，她亦用手攬着對方，態度親暱，期間她又獨自一人坐在梳化玩電話。

另一方面，華仔昨更新自己的blog，題為「心寬」，形容近日的經歷豐富了他的人生，不會視為負擔，文中最後寫着「你我未來，海闊天，一路是藍」。

文：名人組