譚詠麟（阿倫）帶同Mr.以表演嘉賓身份出席「心晴行動五周年慈善晚宴」，性格樂天的他有自家的減壓方法，他說：「就係食同瞓，我瞓醒就唔會記得，仲有做運動。」
談及曾志偉有意請曾吸毒的藝人出席反吸毒活動，問阿倫可贊成契仔關楚耀（Kelvin）現身支持？阿倫變得嚴肅謂：「呢啲問佢唱片公司啦，我唔方便講。」阿倫指Kelvin最好到維也納進修，他未聽聞契仔年底或明年初出碟的消息，至於Kelvin可想留在娛圈發展？阿倫覺得要視乎Kelvin的心態。
「心晴行動」主席林建明就希望晚會籌得三百萬，而由「至八會」捐贈的首張八人作品，就拍賣到108萬善款。匆匆趕到場的汪明荃（阿姐），以一頭夾滿髮夾的「潮look」示人，但阿姐助手提她未除髮夾時，阿姐即大叫一聲「哎哋」，尷尬地說：「拍戲拍到啱啱收工。」說罷就急急腳入場。