阿Sam前晚61歲牛一，一眾Sam迷戴上「蛋糕帽」及揮動寫上「生日快樂」的燈牌坐在觀眾席上，令現場非常熱鬧，氹得阿Sam非常高興，笑言要唱到十二點來答謝大家。隨即兩位兒子懷欣和懷谷，率領一班忠心Sam迷捧着大大小小鮮花及豹紋禮物走到台上送給阿Sam，大唱生日歌兼送上香檳為他賀壽。

一班歌迷走到台上為阿Sam慶牛一。

阿Sam兩位兒子懷欣（右）和懷谷在台上與父Jam歌。

冠英放笑彈

阿Sam感受到歌迷對他的心意，更對歌迷說：「我生日願望係希望可以再唱多十年！」但隨即又自嘲：「其實都幾『璺水』囉！」不過，全場Sam迷當然不認同，並以歡呼吶喊來支持阿Sam，令他非常感動。至於名模蔣怡及阿Sam哥哥許冠英則任表演嘉賓，擁有蛇腰身段的蔣怡令人眼前一亮，更吻賀壽星仔。而許冠英則大放笑彈，他笑言：「我知今日歌迷畀阿Sam嘅禮物，阿Sam應該攞唔晒，而我就尋日生日，如果大家唔嫌棄嘅話，或者送畀我啦！」即引來全場大笑。

安哥半粒鐘

而阿Sam到安哥的「點唱」環節時，歌迷將多首歌曲歌詞寫了「大字報」，讓阿Sam邊睇邊唱，唱足半小時。另外，許冠文三晚都未有捧場，昨日記者致電聯絡他，他表示母親早前接受手術，現精神已不錯，他亦會放心前往捧阿Sam尾場。

文：音樂組