落選港姐「逼爆徐淑敏」鄭寶源及「是非空姐」曾曦寧，昨日亦有出席《My Name Is邦》錄影。對於「出貓港姐」鍾溥敏（Mandy）在facebook上疑以粗口諧音形容林峯笨，她表示：「平時鍾溥敏好正常，我都有佢facebook，都係發表情感。（你鍾唔鍾意林峯？）佢係我偶像，可能Mandy話林峯似佢啫，因為佢係七號。（咁難兜都兜到？）係呀，都係辛苦。」
曾曦寧則不忌諱講粗口：「哦！好×，頭先有聽到人講，識Mandy佢好隨和，唔似會咁講。（周刊話你都好冇禮貌鬧記者？）我唔會喺人哋面前鬧。（背後鬧呀？）冇咁嘅事！」此外，鍾嘉欣對於緋聞男友林峯被粗口諧音形容一事，她謂：「好愕然！林峯一啲都唔蠢、好叻。我覺得講粗口唔好，點解唔講有禮貌說話？人哋又冇傷害佢！」
