「女版許愿」瑜瑜自參選港姐以來備受網友熱捧，雖然在比賽中「食白果」敗北而回，不過聲勢依然強勁！

有公司邀拍廣告

昨日瑜瑜與應屆港姐冠軍劉倩婷、亞軍李姿敏及季軍熊穎詩，分別為J2節目《My Name Is邦》錄影，當中瑜瑜以煥然一新的短曲髮形象上陣，再戴上紳士帽及穿西裝褸的中性打扮，實行由「女版許愿」進化成為「複製版許愿」，風頭一時無兩，就連三位港姐亦要靠邊比下去。

以短髮新look令人「神魂顛倒」的瑜瑜，問到會否擔心被笑是「複製版許愿」？她淡定表示：「剪短頭髮驚唔驚更似許愿？唔驚似，冇乜嘢需要驚？（唔驚畀人話？）唔重要，好早已經覺得唔重要。」她又透露早前發高燒多日，要入院留醫，幸經診斷後證實並非患豬流感。

問瑜瑜是否會簽約成為無綫藝人？她說：「仲等緊通知，不過會以TVB優先。（係咪有其他公司搵你？）都有其他公司搵我做訪問同拍廣告。」

同場的港姐冠軍劉倩婷自爆遭主持崔建邦追問性取向：「佢問咗我幾次係咪斷背，我話唔係。（尷尬？）意料中事。佢仲追問我有冇拍過拖，我依家冇，不過以前有拍拖。（係咪異性？）係異性外籍人士，但因為返嚟香港所以冇一齊。」

正版許愿	同是接受崔建邦訪問的熊穎詩（左起）、劉倩婷及李姿敏，風頭盡被瑜瑜蓋過。

許愿笑言私生女

另外，昨日許愿透過電話表示，對瑜瑜認識有限，但聞得她口才好，有意訓練她做司儀。他笑說：「似我唔係好事，我會覺得佢係一個靚版許愿，連我身邊朋友都同我講話佢似我，問我係咪多咗個妹，梗係冇可能啦！我阿爸喺我十二歲時過咗身，要估都估係我個私生女啦！」

文：影視組