贊成驗毒計劃

一個名為「無毒一生」行動於昨日舉行步行活動，參與開步禮的曾志偉表示，演藝界一直希望於禁毒問題上盡一分力，稍後會透過演藝人協會和香港電影工作者總會，開班教授青年人演戲或興趣班，好讓他們有不同技能，過一些正常生活。

在「無」的連串行動中，志偉更構思邀請曾受毒禍影響的演藝人士現身說法，解釋毒品禍害。問到於日本藏毒被捕的衞詩是否被邀之列？志偉說：「尊重每個藝人決定，如果佢哋講述自身經歷當然最好，其實我有好深切體會，老婆可換，但仔女唔可以換，我好支持香港搞驗毒計劃，英國嗰邊搞得好成功，香港人唔識say no，既然有呢類計劃，可幫佢哋拒交損友。」

蘇永康曾經因濫藥而付出代價。	關楚耀對參與禁毒計劃，其唱片公司十分支持。 （資料圖片）	衞詩經反省後，現正過着新生活。 （資料圖片）

藝人一呼百應

志偉發起禁毒呼籲，演藝界一呼百應。衞詩的經理人公司發言人沈小姐說：「暫時未收到通知，係咪參與唔係最重要，最緊要係衞詩嘅行為，畀大家睇到佢過緊新生活。」而關楚耀的唱片公司發言人說：「曾志偉出到聲一定支持，但要睇咩形式。」曾在台灣濫藥的蘇永康已重新振作，他透過經理人公司說：「先睇檔期，我係唔會遮瞞之前犯過嘅錯，之前喺台灣已接受呢件事（吸毒）代價，我承諾唔會再發生。」

文：影視組