方力申昨日以活力大使身份出席活動，大方承認曾為保護戀情不惜做了「大話歌手」，更謂經多位歌手近日被踢爆已婚，學懂日後以「秘密」回應戀事，免被翻舊帳！
方力申向來形象健康，出道至今只與鍾欣桐（阿嬌）及鄧麗欣（Stephy）傳緋聞，不過昨日他與官恩娜（Ella）及三人女子組合HotCha出席戶外活動時，被問及近日黎明、劉德華及楊千嬅被踢爆已結婚，更被指講大話有甚麼看法時，小方為他們說盡好話：「每個人去到某個位有唔同處境，總之從此見證同埋學識以後咩都話係秘密。」
結婚地首選印度
記者追問他是否也是「大話歌手」？小方坦言每個人都曾經講大話：「只係要睇講嘅時候，係出於善意定惡意。（有冇拍拖都會講大話？）不嬲都講緊大話，如果你依家問我幾年前有冇拍拖，我會答你。」不過，當記者真的追問他是否曾與阿嬌拍拖時，小方卻笑笑口迴避說：「唔好講啦，不如講番今日個活動。（咁Stephy呢？）唔係。」問到是否不會揀選拉斯維加斯結婚？小方笑說：「去印度結婚。」
官恩娜恨生BB
至於蜜運中的Ella被問到何時公布婚訊時，她甜笑說：「冇咁快，亦都未諗結婚。（有冇求婚？）冇，不過都希望可以好似楊千嬅咁浪漫。」Ella笑言睇死自己嫁唔出：「因為我好鍾意做嘢，但生完好似陳慧琳咁fit就好。（有計劃生BB？）佢都好鍾意小朋友。」隨即又冧笑說：「其實久唔久我哋都會諗定日後BB個名。」
文：音樂組