【陳奕龍澳門直擊】《2009亞洲小姐競選》10位港澳賽區候選佳麗，前日在澳門繼續親善之旅，其中身材出眾的(7)仝曉燕探訪智障人士時，母性大發攬實智障兒童，但到晚上出席澳門賽馬會《馬場英姿》攝影比賽頒獎禮時，上圍卻離奇縮水，她說：「是衣服問題，不一定要突出身材。我喜歡小朋友，想親近佢哋，但自己生育，太遙遠了。」
(5)林紫君獲頒親善之星，她說：「我會努力，我做開運動，身形比較橫，要減肥，不過又唔使地獄式減，健康就OK。」至於失落獎項的(2)王希瑤否認自己不夠親善，她說：「我攞唔到獎唔失望，再努力！我有同佢哋（智障人士）傾偈，我唔覺得佢哋同我有咩唔同！」
