昨日祖兒、林俊傑、泳兒、陳偉霆及林峯等出席活動，祖兒與新婚的「丁太」楊千嬅碰面時，即連聲恭喜對方，並大讚千嬅人逢喜事精神爽，整個人都容光煥發。記者笑指天后當中只有她仍未婚，祖兒即謂：「係咩？我都唔係天后！」她又指很多女歌手仍未嫁人，並笑言：「等我守尾門！」在場記者即時起哄，祖兒馬上解釋：「我係話遲過前線少少嘅女歌手當中守尾門！」

喜歡一見鍾情

事後祖兒澄清自己不是不嫁，只是仍未找到真命天子。她說：「喺仲未搵到之前都唔會同大家講（結婚）。」她指自己成長過程中，無論結婚、生仔或死亡，都會得到大家見證，但母親沒有催她結婚，反而經理人霍汶希（Mani）則十分落力介紹男性與她「相睇」。祖兒說：「Mani成日介紹男仔畀我識，但我一口拒絕咗，因為緣分係要自己爭取，我鍾意一見鍾情。」

此外，對於近日有不少藝人被踢爆秘密結婚而被封「偽人」，祖兒即代他們講好說話：「每個藝人都有保留私人空間權利，有時唔係存心去欺騙，大家唔使咁介懷。」

文：音樂組