劉德華自爆高齡生仔有難度，群星火速獻計。與張栢芝已育一子Lucas的謝霆鋒，最近被傳再造人成功，昨日他從內地返港於機場否認老婆栢芝加拿大待產，說：「冇呀！佢喺屋企，冇去過加拿大，只係去過歐洲。（教華仔生仔秘方？）呢樣嘢靠個天賜，我都冇秘方，等個天準備。」
譚詠麟（一子）
唔好怪佢，佢擔心過激fans出事，出發點係好。其實大家見當日機場咁混亂，如果之前喺上山時公布，分分鐘連棺木都爛埋，騷擾到先人就唔好。過兩招生仔秘方？我個人好open，等佢打電話嚟問我，高齡有高齡嘅做法，由盤古初開都有方法！
羅霖（三個仔）
放個假，心情輕鬆就會容易有BB。冇生仔秘方，就算醫生都冇話100%包生仔。我諗呢啲係天意，不可強求，順其自然。
錢嘉樂（未有子女）
我唔會用人工受孕方法，我比較鍾意自然受孕，最好就係先使未來孕！
鄧梓峰（兩女一對孖仔）
好重要係心理質素，好似華仔咁作為天王，真係有好大嘅心理壓力。食好多生蠔增加性慾，食多啲酸嘢。（招數？）講笑啫，最重要多做運動。