被踢爆與丁子高於拉斯維加斯秘密註冊結婚的楊千嬅，昨日首度以「丁太」身份出席港台於文化中心露天廣場的「太陽計劃2009」閉幕活動，吸引半百傳媒採訪，千嬅春風滿面流露「新娘子」的喜悅，港台更以「紅色遮」為她打傘又送鮮花，似祝賀新娘出嫁。對被記者喚「丁太」，千嬅坦言未習慣。對這次「瞞婚事件」，千嬅早有準備說：「其實係件開心事，唔該晒華仔幫我引領，呢個婚禮我好Surprise，公開就更Surprise。」

千嬅多次強調非有心瞞大家，是未在適當時間公布，而在美國結婚是「半即興」，因今年2月生日時，丁子高和她到韓國旅行，並給她一個驚喜生日派對向她首次求婚，千嬅說：「佢跪低求婚，我好感動，點知佢仲喊得勁過我，由嗰刻開始就計劃結婚嘅事，但冇諗住係今年。」7月31日丁子高生日之後兩人到L.A.旅行，丁子高終於求婚成功，千嬅說：「我曾經講過話人生有六十歲，到三十歲後就係倒數生命，我冇諗過佢會記響心度，當我哋響L.A.玩完MUMMY，我扭親條頸，佢就同我講，如果三十歲過咗要倒數，咁應該要珍惜，話要陪我走埋餘下嘅路。」千嬅重憶求婚過程即雙眼通紅：「嗰刻好感動，即日就揸車去登記註冊結婚。」

千嬅透露與丁子高是在「半即興」下結婚。

丁子高昨日以手機短訊回覆本報，表示星期二會作出回應。

臨時買婚戒

千嬅表示註冊後只通知雙方家長及唱片公司老闆，與老闆有協議，因工作及廣告合約，不希望她公開婚訊。對於藝人誠信被批評，千嬅即言：「好抱歉，唔係想呃大家，但都要尊重老闆，呢啲係專業藝人嘅守則嚟，應該履行合約。（結婚牴觸合約？）咁又冇唔畀結，但我答應人家做嘅事，我係未結婚㗎嘛！」千嬅否認奉子成婚，更自爆註冊當日烏龍事：「太急趕，戒指都係當地買，我嗰隻好鬆．佢嗰隻就入得一半，仲要戴錯手。」而讀誓言時，因證婚人是猶太人英語發音不太純正，令兩人不太聽懂。至於是否補擺喜酒，千嬅表示會在明年進行。

fans放紙炮，嚇得千嬅連忙躲避。

千嬅在電台DJ打着紅傘下進場，儼如新娘子。

擇日過大禮

講到兩人是否已同住？千嬅表示：「響老人家心目中未正式結婚，仲要擇日過大禮，所以我仲係楊小姐，佢仲係丁先生。（冇得洞房？）現代人冇所謂啦，嚟緊下半世成日見啦。」千嬅更大騷頸上的「RM」定情鏈，表示是「丁生」送她拍拖兩周年的禮物。　

對結婚事件，丁子高昨日以英文的SMS給本報，表示暫時不作回應，待星期二他出席一個活動時，才正式向傳媒交代，並多謝傳媒關心。至於千嬅舊愛鄭中基亦送上祝福，千嬅亦催促對方早日成家立室。

文：音樂組