李克勤昨日與傅明憲（GiGi）及蘇蔡潔蓮現身奧海城出席香港愛護動物協會活動，身為狗主的克勤說：「小朋友出世之後都分薄咗少少，但唔會將愛犬畀人。（囝囝同佢玩？）有摸吓嘅，我怕大狗會撞跌佢，囝囝都有隔住玻璃叫佢坐。」此外，有份為東亞運動會傳聖火的克勤表示要嚴選內褲：「大會條褲係白色冇內膽，如果着『小熊BB』會睇到，同埋大會安排一個陌生人照顧，唔知個電話放邊，裏面有好多裸照……囝囝嗰啲。」
另外，GiGi早前帶狗散步時，患有心臟病的小狗一度出現中暑現象幸無大礙，她說：「太熱喇，所以今日冇帶嚟。」至於其感情生活，GiGi就甜笑說：「都係咁囉，好愉快同穩定。」
