昨日下午二時，身穿熱褲、戴cap帽的Mango踢住拖現身機場，出發往台灣洽談電影及代言工作。只見她表現風騷，被追問是否和城城拍拖，她笑住回應：「朋友嚟咋，識咗好耐，佢因為順路所以車埋我，喺中途放低我，搞到佢畀人寫，我都唔好意思！」
Mango對於Lynn被指激到病，她亦不輸蝕：「唔知，我都病緊！」又表示不知道城城與Lynn拍拖，問她會否因事件而避忌不見面？Mango暗示堅持咬住城城唔放，她說：「我哋係朋友，朋友見面冇問題！（怕唔怕Lynn唔開心？）應該唔會，我都唔開心！」當問到會否擔心被指第三者時，經理人在旁插嘴：「佢係第五者！」而Mango只說：「唔回應！」
