蔡卓妍（阿Sa）昨日現身MegaBox出席「香港舞動馬拉松2009終極鬥un日」，對於「舊情敵」楊千嬅被踢爆與丁子高於拉斯維加斯秘密註冊結婚，阿Sa即反應甚大地說：「黐線！唔好咁講呀，我同千嬅冇嘢㗎！」她反問記者：「佢回應咗未㗎？等當事人自己回應咗先啦，旁觀者唔好去評論人嘅嘢！」
問到將來會否秘密結婚？阿Sa說：「我覺得唔需要同大家交代，亦唔會特別掩飾，不過我都未有耐啦，結婚係開心事，希望得到多啲人祝福！」至於歌迷有否「催婚」？阿Sa笑言：「我今年先廿七歲，過咗三十歲先催啦！（係咪同鄭中基有默契？）隨緣啦！」另外，鄭中基透過唱片公司向舊愛楊千嬅表示：「恭喜千嬅！」
