18/8/09：千嬅獻唱新歌《真命天子》時，被問到是否指丁子高，她喪笑說：「真命天子？呢個世界冇一定保證喎！」她更擺黎明上枱：「應該畀黎明，催佢結婚。」

20/8/09：千嬅再被追問何時結婚，她斬釘截鐵表示今年內一定不會發生。她說：「搞埋合約入面嘅工作先！今年冇辦法，希望不久將來可以成事。」

21/8/09：千嬅抱病出席《勁歌金曲》錄影時笑言，最需要老闆送假期給她。問到是否送假結婚？她說：「送假畀我，保命先啦！命都保唔住結風咩？（沖喜？）冇得沖呀！」

22/8/09：千嬅被問到何時披嫁衣？她說：「未呀，搞好身體先。（丁子高求婚？）唔答，講多口臭。」至於丁子高出席另一活動時說：「我做嘢好忙。（即係唔係今年結？）都冇話係。（明年？）我都冇話係明年。（咁幾時？）做好啲嘢先，人生大事等我事業OK咗先啦。」