黎明、劉德華及楊千嬅除是樂壇天王天后外，更是香港傑青，過去為社會貢獻良多。三人的社會地位舉足輕重，是年輕人的榜樣，今次被揭秘密結婚，似乎有欠誠信，是否會對社會做成不良影響，有待觀察。
袁彌明對於劉德華與黎明隱瞞已婚一事，她認為現今時代變遷，已經不需要去呃觀眾，她說：「都唔明佢哋點解要咁做，人哋畢彼特紅過佢哋一百倍都係咁啦，佢哋應該打破傳統觀念，依家就算做明星都要有實力，佢哋唔好再畀『偶像派』嘅觀念綑綁，其實結婚可以認，佢哋講咁多去呃觀眾咁耐，佢哋唔覺得咁辛苦㗎咩？依家又唔係廿年前。」白韻琴則表示：「其實普通人又好、名人又好、咩人都好，講大話已經唔係好榜樣，做名人都唔代表有特權講大話。但若果只係隱瞞嘅，就唔可以指摘佢；如果真係講大話嘅，就點補救都冇用，要認衰。」