湯鎮業：唔信有仔女

「會唔會有人將個註冊紀錄移花接木，改咗佢個名落去？（有傳華仔有兒女？）我同黃日華聽到都覺得好奇，因為據我所知，嗰兩個小朋友根本唔係華仔個仔女，可能係朱家親友嘅仔女，外面人好易隱瞞，但我哋呢班身邊好友一定瞞唔到。以華仔性格，佢依家同朱麗倩拖埋手亮相，如果有點會唔認。」

孫楠：戥老友開心

「很厲害，跟他認識了十五年，戥他開心。（有傳他有女兒？）不知，北京離香港那麼遠，大家見面只是講工作。」

譚詠麟：發誓不知情

「有人貪當地結婚方便，淨係要五百美金（講笑），咪包機去囉。如果傳言係真，我會恭喜佢哋。（藝人應幾時承認結婚同公開仔女身份？）時機成熟自然會公開，我可以發誓唔知道華仔有仔女。」

李克勤：體諒有苦衷

「華仔依家做緊白事，影迷應該畀佢多啲空間，或者其中有苦衷呢。（有冇見過朱麗倩？）做朋友嘅唔好再有多一個版本喇，華仔遲吓應該會自己出嚟交代。」

蘇樺偉：老闆有分寸

蘇樺偉（殘疾運動員、華仔員工）：「唔可以亂講嘢，要尊重老闆嘅意見，都戥佢開心。（網友話佢大話天王？）唔敢講佢啱定錯，不過華仔做嘢有分寸，佢都踏出呢步已經好好，亦都對傳媒有個交代。」

吳宗憲：婚書無所謂

「很好，恭喜啊！再次證明感情跟一紙婚書一點關係都沒有，華仔與朱麗倩在一起廿四年，即使去年結婚，也沒改變甚麼。我自己到現在都沒有看過結婚證書。」