鄭希怡

兩年前我哋一齊做遊戲節目，雖然佢唔識我，但佢好nice咁同我傾偈，覺得佢好可愛同好傻氣，依家佢走咗，我真係好唔開心，但對於一個同病魔搏鬥咁耐嘅人，都係一個解脫，希望佢喺天堂會開心。

余少寶

我尋日同米雪去探佢，我仲幫佢按摩雙腳，都知冇乜用，但希望佢知道我哋喺度，畀啲溫暖佢。我識咗佢十幾年，佢好鍾意同女仔玩，心地好好，教細仔又教得好好。

契女陳淑蘭

以為佢今次可以大步檻過，點知尋晚瞓唔着上網知道佢走咗，好難過。

李修賢

無辦法，早啲去都好嘅，冇咁辛苦。呢段時間我都有去探佢，佢瘦得好厲害，之前佢由浸會搬去養和嘅時候，都話只得一個星期命。

肥媽

大傻走之前已經講唔到嘢，但個人係清醒，我喺佢耳邊講叫佢唔使擔心，知佢屋企有大有細，我哋會幫手照顧。

盧惠光

家人嚟晒佢都好安慰，走嘅時候好安詳，加上咁多朋友關心佢，佢都好開心。走咗呢位朋友，我好難過。