29/08/2009

播放本新聞相關短片

男色誘惑:好戰性女有樣睇

男人揀女人例牌三圍行先,似乎有身材就代表一切,事關佢哋認為床上好砌最重要。之不過其實有苦自己知,身材逼爆唔代表一定好色。假如想搵件床上好伴侶,不妨加少少相學分析,咁就好易搵到個好伴侶,今日再醒你揀女面相秘訣,男人睇完自然識揀合適對手。

頭尖額窄人細鬼大

面相特徵:咪以為生得頭尖額窄就代表無厘貴格,實情額窄代表有權有勢,而喺性愛方面,前額生得窄,最討厭性幻想,相反最鍾意實實在在嘅性愛行動,因此每當遇到心儀男士就想跟對方發生性行為。

床上性格:天生額尖嘅女性,通常思想比較早熟,可以話人細鬼大,就算你識對方時仲係十八廿二,相信佢已非處子之身,更好大機會性經驗豐富過你。

假如對方已踏入「中女」階段至認識你,咁你就好大機會食「尾圍」,換句話講,前面有幾多襟兄,十隻手指都未必數得晒!雖然話鍾意就乜都唔介意,但包你一埋牙就感受到咩叫「暢通無阻」嘅感覺囉!

孔雀眼稀世奇珍

面相特徵:臉闊兼對眼生得扁平,兩頭尖尖哋,望落有啲似柳葉咁款嘅就為之「孔雀眼」通常呢種女人都甚少男人緣,事關佢哋畀人感覺終日愁眉苦臉,令人睇見都唔開胃!

床上性格:女人天生有對咁嘅眼,咁就真係恭喜喇!尤其係對男人嚟講,更係搵到件床上極品。事關呢種女人為人含蓄,有乜要求都唔夠膽講出口,思想極其保守,而最重要係識得「潔身自愛」,肯定唔會同男人亂咁嚟,但反過來,若然你想同對方曳曳,亦絕非易事,除非女方勁冧你,咁就搞足一日都肯制!

眉粗耳大性慾澎湃

面相特徵:女人眉毛又粗又濃,而且兩眉之間距離過窄,咁肯定係大食之相。而耳珠大且色澤紅潤、耳仔生得高過眼眉,屬食極唔飽嘅性飢民也。

床上性格:眉形同耳其實係女人最易顯露「性」格嘅部位,之不過由於大部分女性都有長髮遮掩,否則畀男人起晒底就尷尬,呢種女人賀爾蒙分泌零舍旺盛,性慾肯定一撻即着,屬床上好動一族,思想行為極盡豪放,男人床上功夫差啲佢都即時發老脾。

鼻深直長床上多變

面相特徵:女人鼻樑生得夠直夠長,外貌上當然有着數,至少上鏡都靚啲啦,男人都望多兩眼,之不過呢種女人床上規矩多多,係男人都怕咗佢!

床上性格:呢種女性最注重床上性趣,肯定冇話床上死魚,瞓喺度乜都唔願做,亦唔會乜都唔肯玩,相反非常敏感,只要你搞得佢冧,佢會主動攻擊你,直至你滿足為止,所以作為伴侶,可以花多啲心思,玩多幾款招式。但謹記切勿玩得太盡,否則,激起佢嘅性慾,搞通宵你都滿足唔到對方囉!

撰文:祖