榮升經理人的施念慈，早前偕同「囡囡」李莉琳（Liz）上ontv接受《娛樂on Show》兩位主持陳振安及俞詠文訪問。施念慈除了大談與前夫陳鴻業的婚姻外，還替男友Alex的前女友鄧麗欣說好話。至於Liz則大爆曾被邀請出席K局，「酬勞」還高達數千元。
施念慈（Celia）早前與「囡囡」李莉琳（Liz），齊齊接受《娛樂on Show》訪問，雖然Celia已與前夫陳鴻業分開一段日子，兼且與現任男友Alex感情穩定，不過主持人陳振安及俞詠文依然逼Celia細訴與陳鴻業的婚姻，而Celia亦大方回應：「當時我28歲，我真係想結婚，再唔結就30㗎嘞，我可以話我無後悔結婚。」Celia之後更調皮地表示並不抗拒再婚及離婚：「我會再結婚㗎，因為結婚好開心，離婚有錢收都好開心㗎！」
力撐鄧麗欣
早前由歌手進身才女的鄧麗欣（Stephy）新書錯字連篇，由於Celia現任男友Alex曾與Stephy拍拖，加上Celia本身亦是才女，主持人遂開玩笑問Celia會否像Stephy般錯字連篇？想不到Celia竟反過來替Stephy平反：「我都有好多錯字㗎，呢樣嘢好難避免，其實我覺得Stephy份人唔錯，幾爽！」
非一般K局
仍是新人的Liz自爆入行前曾被邀請出席「K局」：「都係啲朋友嘅朋友，話有人生日，叫我一齊去唱K，仲話唱完之後有幾千蚊收，我梗係無去啦！」令主持人即場目瞪口呆！
文：專案組