Square將於年尾推出新碟，主打歌《失戀治療師》是一首輕快歌曲，為了令演出效果更精彩，四子頻頻鑽研舞功，日日入排舞室喪跳，他們笑言：「我哋要用身體語言幫大家醫治失戀！」

Brian輕易以背肌將六塊大鐵頂着，盡展力的表現。	James專登叫記者影他背肌。	Gary玩單手舉重，震驚全場。

善用空檔操練

雖然四子夠晒高大威猛，但為了令身形更有睇頭，每逢排舞有空檔時間，即善用排舞室的健身器材練大隻，暗中較勁一番。James一馬當先玩舉重，輕而易舉將兩塊大鐵舉上膊，還叫記者從後影他的背肌，狂騷本錢。不過，接住玩舉重的Gary，竟挑戰高難度玩單手舉重，又真的被他一舉成功，震驚全場。

不甘示弱的Brian隨後接力，在兩邊各加兩塊鐵，增加重量，結果清脆利落一舉過頭，最後更以背肌頂着，盡展力的表現。至於壓軸的Rex眼見舉重冇得再玩花招，改為玩舉啞鈴，由於難度欠奉，惟有被比下去。

早前Square為出寫真集已狂操練大隻，Gary笑謂：「我連股罅都露埋，以前做模特兒都冇試過咁sexy。（出賣色相？）係呀，《色，戒2》就嚟啦。」

文：音樂組