元彪和李璨琛早前為崔建邦主持的《My Name Is 邦》錄影，二人大談小時候的點滴，不愛讀書的元彪自五歲起，便跟隨師傅于占元學功夫，父親亦對他寵愛有加，出生小康之家的他往往與其他師兄弟有所不同，他說：「我爸爸係做羊毛衫生意嘅！所以表演成日都有私伙羊毛衫着，以前去荔園做戲，爸爸都會包咗前面三行，仲會去影樓搵啲影相佬同我影相。」元彪又坦言以前師傅要他們每早都要做一小時倒立，有些頂不順的便會「鬆人」，他笑謂：「洪金寶都走過兩次，我就冇走過，但試過我啲私伙戲服畀咗第二個師兄着，爸爸好嬲，帶我走叫我唔好學。」
李璨琛則謂從小到大都很反叛，更曾試過離家出走：「我九歲開始食煙，阿媽發現咗就唔畀我出街，咪問佢攞咗幾十蚊然後離家出走囉！走咗四、五日，點知阿媽報警，畀差佬搵到我，後尾見到阿媽個心痛樣，都覺得係咪自己有啲過分呢！」