梁榮忠、姚婷芝及黃冠斌等早前到apm出席新書《愛的禮物》分享會，並即席為支持他們的書迷簽名。忠仔透露其實是應聽眾的要求，才把主持的節目輯錄成書。與早前舉行的書展相比，忠仔稱較愛apm舉行的「達人夜書市」，他說：「之前書展吸引錯咗人嚟，啲人影相唔係高抄就係低抄，再唔係就focus喺某一個部位，但係呢度啲人就影得正常好多。（覺得g模寫真唔應該出現喺書展？）咁要睇政府搞書展嘅原意係為咗貿易定係推動文化。」談到舊愛鍾麗淇母親近年健康出現問題，忠仔表示已致電慰問對方。