Macy、Heidi與黎諾懿日前為新劇《冏探查過界》拍攝殺人戲，Heidi與Macy飾同志戀人，劇情講Heidi要跟Macy分手，在街上與Macy苦纏間被推跌受傷，黎諾懿為利益趁機向親姊Heidi下毒手。

Heidi（左起）、黎諾懿與Macy今次演的角色，各具挑戰性。

Heidi被Macy所傷，倒臥街上。

Macy分手遭刀嚇

任財經台節目主持的Heidi，給人專業人士感覺，今次演女同志，感覺新鮮，她說：「我畀人感覺好女人，冇諗過會有人搵我做女同志，都OK，我以前讀女校，有呢啲朋友，都試過畀人追，不過我一定係鍾意男人。」

Macy以死要脅Heidi，最終Heidi被自己所傷，原來今次是Macy第一次「殺人」，她笑言：「好暢快！其實我都遇過類似情況，我曾經同個男仔講分手，佢突然好激動攞刀出嚟，話如果唔一齊就傷害自己，當時我好驚但都保持到冷靜，做咗談判專家，最後佢都畀我說服咗，好彩冇意外發生。」

黎諾懿望奸出位

黎諾懿今次做大奸角，他認為不會影響形象，因觀眾都聰明，好像前輩米雪、關菊英在《溏心》系列中都以奸角出位。

文：影視組　攝：吳文聰