任賢齊及徐若瑄前晚為林超賢執導新片《火龍》剪綵及拍攝，同片的黎明因要化妝而缺席剪綵。雖然傳統活動「舞火龍」要待中秋節才可看到，不過為拍此片，林超賢特地向有關單位訂製一條火龍，眾演員看到插滿香的火龍在舞動時顯得相當好奇，小瑄更以私伙相機拍照留念。
林超賢指尚有十多日便完成拍攝，他又自嘲拍《火》片是攞苦嚟辛：「呢齣戲有好多大型動作場面都喺鬧市拍，嚟緊仲會喺中環拍爆炸戲，另外啲演員又會拎晒槍喺滙豐銀行後面跑，不過到時我哋會有橫額通知途人。」林超賢指拍《火》片至今已收逾五封投訴信，他又對受其影響的市民道歉。
