本文重點
鍾欣桐（阿嬌）的處女舞台劇《星爸阿爸》昨晚開鑼，為配合少女版曾近榮角色，阿嬌特別以「Tom Boy」造型出場，穿上軍人褲的阿嬌可謂入型入格，還透露曾穿鬆身衫褲喬裝出街，成功避過途人耳目。
阿嬌擔綱主演的一連五場舞台劇《星爸阿爸》昨晚於演藝學院正式公演，日前阿嬌穿上戲服作總綵排，由於她的角色是少女版曾近榮，懂裝修、整水喉及整車，故美指Tomas Chan特別度身設計一條軍人褲給阿嬌，穿上軍人褲的阿嬌成功變身「Tom Boy」，她說：「角色入面我乜都識，成個家事小百科，無理由以一個斯文淡定造型出現，Tom Boy look係最適合。」
自認美容小百科
問到現實生活是否乜都識整？阿嬌哈哈笑：「整車梗係唔識啦，要好專業，我反而係美容小百科，好多時我都會幫同事整指甲。（有冇畀造型考起？）唔會，以前我都試過黐鬍鬚女扮男裝拍MV同唱片封套，不過演舞台劇就係第一次。（畀幾多分自己？）85分，我諗如果頭髮短啲會仲似。」
阿嬌坦言Tom Boy造型非常舒服，她說：「不過喺舞台上就唔太舒服喇，因為好多盞燈射住會好熱。（有冇吸引過Tom Boy示愛？）冇，不過身邊好多同事都係呢個造型。」
阿嬌又大讚同事細心：「始終佢哋都係女仔，細心又爽朗。」
文：音樂組