周家蔚剛完成劇集《鐵馬尋橋》拍攝，該劇是周家蔚首次拍劇，她指今次除了與湯盈盈成為老友外，在她身上亦獲益良多。

同是在外國長大的周家蔚與湯盈盈分外投契，周家蔚笑說：「喺戲裏面我同盈盈對手戲好多，開工又見，收工又一齊行街食飯，開工嗰排只係瞓覺唔會見，有乜辦法唔熟吖。」

成功非僥倖

周家蔚很欣賞盈盈的工作態度，她說：「喺盈盈身上都學到好多嘢，佢好勤力，因為唔識中文，成本劇本都係拼音，證明成功嘅演員係冇得打天才波，因為你要有準備，睇熟劇本先會有自己見解，當然呢啲意見只可以提出嚟，最尾都係要跟隨導演要求。」而周家蔚透露有計劃報讀演藝課程進修演技。

文：影視組