曾是有線娛樂新聞台開國功臣，曾以一姐身份走訪康城影展、威尼斯影展及奧斯卡等多個國際影壇盛事，陳貝兒（Janis）雖然女主播形象已深入民心，但為了擴闊視野，一圓行政夢，她毅然離開効力了六年的電視台，投身bma成為市場推廣部副總裁。

陪伴家人朋友

問到Janis為何會在事業上有如此大的轉變？她感性地說：「做咗娛樂新聞主播六年，經常都係講人哋嘅嘢、問人哋嘅心底話，但我覺得係時候關注吓自己想點，聽吓自己嘅心聲，所以我先決定離開。雖然係咁，我依然好感激舊公司栽培，呢六年我累積咗好多經驗，我覺得無枉過。」

在正式加盟bma前，Janis先抽出兩個月空檔周遊列國，讓自己放鬆心情之餘，亦好好陪伴家人及朋友：「之前嘅工作時間好困身，所以冇乜時間陪屋企人，今次嘅trip令我重拾番好多同佢哋嘅quality time，亦令我更加明白到家人嘅重要性。」

感激老闆賞識

談到新工作環境，Janis表示十分享受，還笑謂第一天上班前的心情既期待又緊張：「我之前嗰晚好似小學生咁好緊張執拾自己嘅行裝，又拎套suit同公事包出嚟睇吓襯吓咁，好搞笑。我覺得自己好好彩，可以得到老闆羅生同老闆娘芷珊嘅賞識，呢份工作除咗令我見識到好多嘢之外，仲訓練到我EQ同應付挑戰嘅能力。」

文：專案組　攝：馬永堅

髮型：SING@O4 Orient 4

化妝：Cyrus Lee@BeautyTech

服裝：Anteprima