昨日廖碧兒跟Jocelyn不約而同穿上低胸裝現身，透露正跟馬國明拍攝新劇《談情說案》的廖碧兒，表示劇中跟對方會發展一段似是而非的新潮情侶關係。問到其父母可接受她與陳豪的「新潮關係」？廖碧兒九唔搭八說：「媽媽平時都有睇報紙。（學劉德華咁拖陳豪出嚟公開關係？）呢排都有睇啲咁刺激嘅新聞！」

及後廖碧兒指拍拖乃二人私事，若公開了以後所有變化都得對香港七百萬人交代，她又指藝人的拍拖時間比常人少：「戲院唔係開廿四小時，有時間想睇齣戲都唔得。（邊個決定唔公開？）我同佢係朋友一向都公開，只係好耐冇一齊工作，但係我遇到咩問題都會請教佢，佢係一個好人，好肯幫我。」