經常口沒遮攔的趙碩之（Wylie），據知與William、江若琳（Elanne）、周秀娜（Chrissie）及何尚謙（James）等拍攝《關人7事》期間，不但招呼欠奉扮大牌，而且還不時藐視對手演技未夠班，再加上Wylie與William拍攝攤牌戲時，突然爆粗嚇窒全場，三大罪行令Wylie成為頭號被杯葛對象。

「使唔使咁激」

就連《關》片導演彭發，亦證實Wylie確曾爆粗：「佢爆粗嗰下我都嚇咗一跳，心諗使唔使咁激……不過佢都係投入角色啫。」彭發又直指Wylie有缺點：「佢份人執着啲囉，佢成日加對白，搞到其他演員唔知點接。（佢同邊個對手戲多？）William同鄭融。」

陳偉霆不欲多談趙碩之。	戴夢夢將電台主持送上的「缽仔糕」放到頭上扮米奇老鼠，十分抵死！	早前彭發（中）率領《關人７事》一眾演員出征韓國電影展，獨欠趙碩之。 （資料圖片）

配合劇情需要

不過當William被問到是否曾遭Wylie爆粗嚇窒時，他竟表示與Wylie對手戲不多，頗有劃清界線之嫌：「我冇印象佢有爆粗，我同佢對手戲唔多。」至於Elanne及曾與Wylie傳不和的Chrissie，則對事件不欲多談，反而James坦言與Wylie甚少交談。對於種種指控，Wylie昨透過經理人Angus作出澄清，除了否認藐視對手及扮大牌外，更強調爆粗是為配合劇情需要。

另與Wylie同公司的戴夢夢，昨日到電台宣傳新碟時，則否認Wylie與尹蓁晞遭雪藏後，自己獲公司投放更多資源：「梗係唔係啦！我哋平時都係四個人一齊出席活動，依家冇咗兩個，起碼損失六位數！」

文：專案組