陳煒昨日再次為健康品牌衍生產品擔任代言人，她表示與廣告商已合作十年，今次為至尊冬蟲夏草拍電視廣告，問她平日有否吃冬蟲草補身，她坦言：「要呀！以前拍嘢搞到免疫能力差，冬草蟲較溫和，最好用嚟調理身體。」
已移居台灣的她表示稍後會多逗留在港，更可能會參與今年亞姐的工作，說到有指今屆港姐及亞姐質素差，陳煒謂：「我覺得十個佳麗太少，已經失去意義，起碼要有廿個先算係競賽，（不少人只會留意亞姐身材？）都唔會，今次係有啲誇張咗，但要再執，我都會畀啲意見。」
此外，她表示現時正學詠春，她說：「喺台灣好悶，年紀又開始大，冇乜嘢做，只係玩Facebook，咁樣容易肥，所以做吓運動可keep住自己狀態。（有否打算生BB？）有呀！不過依家老公喺美國做嘢，等佢得閒啲先。」