林敏驄早前於活動上重遇舊女友李美鳳，他昨日在個唱記招上被嘉賓之一的鍾鎮濤（阿B）踢爆二人合照時，阿驄疑似「開心到震」，而阿驄更不諱言「怪責」阿B與譚詠麟站在兩人中間「搞搞震」。
嘉賓收友情價
林敏驄將於九月廿五及廿六日在九展Star Hall舉行兩場演唱會，演唱會嘉賓包括阿B、杜麗莎及胡琳等，他說：「應該有四十幾個嘉賓，Rundown一人唱一首，唔講嘢都超時！」群星拱照會否分薄阿驄酬勞？他笑言：「收友情價，不過得閒要去佢哋屋企執屋、洗車同照顧吓佢哋屋企人。」而獨唱部分，阿驄自嘲說：「唱一首就拍爛手掌，唱兩首就開始離場。」
想請囝囝睇騷
至於被問到有否邀請李美鳳？阿驄就以笑迴避，又拿阿B作擋箭牌，阿B抵死說：「會以阿驄名義送飛畀李美鳳！」提到早前再遇李美鳳，阿B大玩踢爆︰「都影到合照啦，未見過阿驄咁震，唔知係開心定震呢？」阿驄即不甘示弱拿阿B與前妻章小蕙的報道反擊。另外，問阿驄的囝囝屆時會否現身欣賞，他說：「想囉。」
採訪：音樂組 攝影：唐豁莊