何韻詩昨日乘坐遊艇到酒店舉行記者會，宣布「何韻詩2009演唱會－SUPERGOO」將於十月九至十一日舉行。阿詩昨日以一身超型黑色窩釘連身短裙襯四吋長Boot示人，並在兩名畫上彩繪的猛男陪同下，乘坐遊艇到酒店舉行記招，沿途還有銀樂隊奏樂伴隨入場，氣派十足。
由於十月十日是師傅梅艷芳生忌，阿詩表示當天有特別安排：「希望到時有個特別儀式，對我嚟講師傅真係超人英雄，佢畀咗好多正能量畀我，所以我好想呢啲正能量喺演唱會上發放畀大家！」阿詩更預告會性感示人，她說：「希望多啲華麗嘅衫，可以好『行』同sexy，將我平時收收埋埋嘅嘢一次過還晒畀大家！」問到好友容祖兒會否捧場，阿詩大方表示：「我有叫佢嚟睇，佢都應承咗，但要睇佢檔期就唔就到。（係咪十日嚟？）佢都好似想呢日！」