Edmond、小方、唐素琪及陳思彤昨日齊出席新城《少年風雲》廣播劇啟播禮，惟女主角鄧麗欣（Stephy）因患上豬流感而缺席。Edmond遇見「戴罩」的小方時，即表現避忌，刻意彈開，令小方十分不滿，並指住Edmond說：「你有冇同情心㗎？」

小方（左）指住Edmond問：「你有冇同情心（o架）！」	小方耍劍似模似樣，在旁的唐素琪亦大讚好。	Stephy確診豬流感，令小方成為嫌疑帶菌者。 （資料圖片）

「係咪嬲先？」

其後Edmond主動行埋小方身邊示好，可惜小方不領情當眾避開，「知衰」Edmond惟有再死纏小方。事後邀兩人合照，Edmond劈頭問小方：「係咪嬲先？」小方搭住Edmond膊頭表示冇嘢，但不忘踢爆Edmond都有病：「佢都肚痛啦！」

Edmond坦言不信小方嬲，他說：「講笑啫，我諗佢冇嘢，因為帶住兩個女仔，想帶動現場氣氛啫。」

Edmond覺得不用對豬流感有過度恐慌，因豬流感只是變種感冒菌。

嫌驗身費貴

小方說今日就滿戴罩七日之期，問他為何不檢查身體？小方解釋嫌檢查費貴。小方透露有不少朋友叫他代為問候Stephy。唐素琪就聽陳思彤說因小方有「少少感冒」才戴口罩，但在旁的工作人員即澄清沒此事。

採訪：音樂組