身穿吊帶連身短裙的陳法拉，昨日以宣傳大使身份出席Volkswagen活動，她表示十六七歲時已在美國揸車，但來港後只有兩年揸車年資，她說：「香港路窄又多單程路，所以我成日都認唔到路！」不過她坦言有意換跑車：「我都考慮緊買唔買好，其實我覺得女仔揸車有型啲！（女仔揸跑車太招搖會被撩？）我覺得揸車都係鍾意人望，仲係身份象徵嘛！」
當問她的男友是否愛揸快車時，她即裝傻扮懵，表示無論自己或「朋友」揸車都一樣安全，她又笑言：「我都係女車手嚟㗎！（鍾唔鍾意男友揸車快過你？）最緊要安全。（有冇被扣過分？）都有，話我衝紅燈，其實我只係轉彎落斜嗰陣，個交通燈啱啱由黃轉紅，惟有下次小心啲！」問到揀男友會否要求有車階級時，她就指不一定，她說：「我覺得同男朋友搭地（港）鐵都好浪漫，有車就會有多啲私人空間囉！」