彭紀諺（Desmond）舉行一連三場迷你音樂會，日前他和亞洲青年小提琴家姚立宏（Hom）接受訪問時，Desmond形容之前兩場的音樂會，是驚險兼有笑有哭的演出。Desmond指舉行第一場音樂會當晚，撞正颱風襲港，場騷差點要取消。他說：「嗰晚七點幾，天文台準備掛八號風球，當時我都唔知開唔開騷好，不過嗰一刻未掛八號，個騷都要繼續，況且我知好多歌迷都去咗場館，好感激係歌迷大風大雨都嚟睇騷。」
不料挫折接踵而來，在舉行第二場騷前，他的鋼琴手因單車意外受傷，因傷勢嚴重未能上台，Desmond幾經辛苦下才搵到另一位鋼琴手頂替，但因只得一晚綵排，在準備時間不足下，Desmond為和鋼琴手未能發揮到最好而嬲到喊。他說：「我覺得愧對支持我嘅歌迷。」談及第三場音樂會將於8月27日舉行，屆時他將會與Hom合作演出，他說：「我有信心今次一定會有超水準演出。」