熱愛唱歌的戚黛黛最近自資近六位數字，在下星期日（30日）於尖沙咀一間酒吧舉行音樂會，日前她親身到該酒吧視察場地及與樂隊練歌，她說：「由細到大都好鍾意唱歌，一直都希望有自己嘅音樂會，今次自己出錢開音樂會，都係為咗完成夢想。」

日練三小時

戚黛黛透露音樂會以故事形式唱三十首歌，更會唱足兩個鐘，故近期積極練歌及做運動練氣，她說：「其實平時成日都會喺屋企唱歌，依家為加緊練習，每日花三個鐘練歌。」

銷量達一半

問到戚黛黛音樂會的賣飛情況？她說：「都唔錯呀，依家都賣咗一半，其實嚟睇大部分都係自己嘅朋友，同埋啲老友好似曹敏莉、朱凱婷、李詩韻除咗嚟睇仲幫手賣飛，最初都預咗蝕錢，但係照依家嘅賣飛情況，應該可以收支平衡嘅。」

戚黛黛指今次能舉行演唱會，要感激家人的支持？她說：「屋企人好幫手，Daddy幫我搵場地啦，細佬就設計海報，佢哋都會嚟睇我嘅音樂會，為咗支持我，全部都係自己攞錢出嚟買飛。」

採訪：影視組