Juno的新碟將於九月中推出，今次他請得有詞壇才子之稱的林夕作詞，分別錄製了《生死疲勞》、《顛倒夢想》及最新推介的《弱水三千》。Juno能與林夕這位「填詞霸主」合作，覺得開心多過壓力：「我鍾意有壓力，因為壓力係成長中嘅推動力。」

（左）要我寫歌，就要等得！ （右）我知，我等幾耐都得。（設計對白）

Juno對林夕，一如氹女仔，認為不能用硬功。

硬功唔得

要Juno數林夕的缺點，他思索了很久才說：「遲交歌囉！」他深知林夕是有性格的才子，不能用硬功催他交歌，Juno惟有用軟功，好似氹女仔般不時send短訊問林夕：「幾時有歌交呀？」問Juno可有嬲過林夕？他笑笑口說：「咁又冇，如果真係好趕，我都會打電話追佢。」

可以等得

至於林夕，他坦言也曾為「拖歌」問題而感內疚，他說：「我知啲歌手追我歌㗎，都有啲內疚感㗎！其實要歌，一、兩日都可以起（貨）畀你，不過可能唔係最好嘅作品囉。」林夕又笑言想要他的歌，除要有好價錢外，最緊要有耐性，可以等得。

文：音樂組