白韻琴和謝偉俊（阿Paul）早前結伴遊杭州及黃山，對於當地迷人景致嘆為觀止，白姐姐坦言阿Paul做議員後，甚少時間陪她旅遊，言語間大表不滿：「咁啱立法會休會先有機會去幾日，得幾日邊度夠呀！我真係希望佢下屆唔好再做議員，做律師一日都高過議員一個月人工啦，佢咁落力，蝕晒大本，又唔肯放假，搞到秘書都頂唔順！」
白姐姐表示最近有意買地投資，但阿Paul卻沒時間陪她挑選，白姐姐說：「不過都唔緊要，依家賺錢對我嚟講都唔係咁緊要，嚟緊要做多啲回饋社會嘅慈善嘢，我同屋企啲老人家想喺大陸起學校，要搵啲好嘅材料，唔可以起豆腐渣學校。」
