J-Twins由「本地薑」鄧芷茵及生於日本的岩村菜菜美組成，二人早前分別在日本富士電視台綜藝節目《Gold House》、「星娛樂」及著名經理人陳自強的「自強創庫」合辦的「打造21世紀星光新偶像」比賽獲得香港和日本區冠軍，因而組成二人組合在香港出道。

Jay（左）是土生土長的日本人，受訪時亦要靠翻譯員解釋。

Jay曾因錄音時被廣東話難倒而落淚。

同年出生有默契

雖然兩人有文化上的差異，但由於二人今年均是23歲，結果一見如故，June笑言：「Jay唔識中文，英文又唔叻，而我又唔識日文，所以平時只係以簡單嘅英文溝通，不過我哋只憑一個眼神，就知對方諗咩，好有默契。」

至於Jay亦表示很感謝June和陳自強對她的照顧：「離鄉別井到香港工作，難免會有寂寞嘅時候，但好多謝一班工作人員對我愛護有加，令我感覺好溫暖！」

發音太難唱到喊

另外，J-Twins第一首派台歌《My Dear Friend》已正式派台，June和Jay分別以廣東話、日文及英文去演繹這首歌，但錄音時Jay被廣東話發音難倒而當場灑淚，她說：「最初公司叫我唱廣東話，但因為發音太難，記咬字時又好難投入感情去唱，而且錄咗好多次都唱得唔好，所以難過得喊出嚟！」

此外，J-Twins稍後會到日本出席某節目擔任嘉賓，屆時會於當地首次演唱新歌，令她們十分期待。

文：音樂組

攝：馬永堅