胡諾言及陳琪的愛情結晶品將於9月中出世，二人早前便去了國際嬰兒、兒童用品博覽（BB展），並大事搜購嬰兒用品做足準備，期間胡仔更嘗試用揹帶揹起了玩具嬰兒，可謂先行實習一番，父愛滿溢！
胡諾言及陳琪為將出世的胎兒做足準備，其中陳琪雖然肚大如籮，但仍東奔西走的為肚內BB四出搜購用品，可見她對BB甚緊張，其中胡仔行經其中一嬰兒用品攤位時，更即席試用了揹帶，更揹起了一個玩具嬰兒，只見他揹起上來有板有眼，而且一臉慈父相，未知他是否已想起他日揹起自己兒女的情形？
成個大細路
問到胡仔試揹過玩具嬰兒後的感覺如何時，他笑言：「咁個質感肯定唔同啦，始終係玩具，不過諗起第時個感覺都好溫馨嘅。」
胡仔又被老婆陳琪大爆他很喜歡行玩具店，十足大細路一樣，胡仔也坦言將來會跟BB一起逛玩具店，各有各買：「玩具唔係小朋友嘅專利，不過就係一個好好嘅回憶，第時可以同BB一齊玩，溝通上都好啲。」
唔會太縱容
只見胡仔及老婆除了為BB搜購了玩具外，亦有不少教材，問到二人是否希望BB將來讀名校？胡仔說：「我能力範圍內會畀最好嘅嘢佢，但都唔會太縱佢，唔使一定讀名校、有車、有工人接送，希望佢好似我哋嗰輩咁，腳踏實地做人。」
文：影視組