Skye在任一年見識特別多，是拜張舒雅做了「最Hea的港姐冠軍」，未有履行港姐任務所賜，但她樂於接受：「呢一年幾開心，參加咗港姐、世界小姐同中華小姐競選，特別係華姐，畀我累積咗唔少ＥＱ、知識去應付比賽，仲攞咗亞軍同友誼小姐兩個獎，成績好圓滿，之前好多年都冇香港代表攞友誼小姐，對我嚟講開心過得亞軍，亦係對自己一個肯定。」

張舒雅太年輕

由最初不被睇好到得港姐亞軍再為港爭光，不但令Skye增強信心，也令她變得更成熟：「依家待人處事更識控制情緒，（張舒雅嘅事有咩啟發？）令我覺得處事態度好重要，做事唔可以只係顧自己，要顧及人哋感受同後果。張舒雅係好女仔，佢只係年紀輕處理件事有唔圓滿嘅地方啫。」

當藝員一份工

卸任後，Skye順理成章留在圈中發展，她坦言不會將目標訂得太高，會視娛樂圈為一份工，自己只是無綫一個員工而不是港姐或藝人，至於與男友的感情，Skye笑說：「我只係打份工，冇話要識邊個做對象，我男友好好，冇需要諗其他嘢。」

文：影視組　攝：馬永堅