安仔為新國語碟《歌人》馬不停蹄到台灣、內地宣傳，在台北他舉行一場歌友會，邀請得女歌手郭靜做嘉賓，甫開騷安仔就high到爆要除去外套，見他唱到出汗，身穿的tee胸前濕了一大片，他笑說：「真係頂唔順，嗰晚好好玩，好耐冇試過唱呢啲騷。」

安仔愈唱愈high，成身標汗。

安仔開歌友會，邀郭靜做嘉賓。

開茶餐廳方便吹水

今次台灣之行安仔竟然當街「隊」冰，他笑說：「我一向唔鍾意食甜品，但同事帶我去一間好出名嘅冰館食棉花冰，嗰個杧果豆腐冰真係勁好味，我真係食上癮，我仲想同個老闆傾，攞個版權喺香港開，點知老闆話只此台北一間喎。」

從未做過生意的安仔，都心思思想嘗試，他說：「如果班兄弟願意，我想搞間茶餐廳，等大家有個聚腳地，到咗六十幾歲時，大家咪喺度歎杯奶茶傾吓偈囉。」

長情fans抱女捧場

此行令安仔最開心是看到追隨了他十五年的一個女fans，帶同兩歲大女兒來捧他場，他道：「佢係追星一族，當年同男友騎單車嚟，之後結埋婚生埋女，佢話要培養個女做接棒人，繼續做我fans喎。」

文：音樂組